今日去左書展..其實冇人識搭地鐵..結果2個人都要打俾細妹問(宜家d細妹真係好似咩都知) 去到比想像中少人...唔駛排隊就入到..入到去又好鬆動 一開始就掛住傾計亂咁行...兜黎兜去都係中間... 行到去eng zone...當然要搵目標...提高英文水平... 周穎詩(應該)都感染到我呢份對學習ge熱誠..所以亦買左本.不過事實可能係佢唔想黎書展低係冇買書.. 之後向第二個目標就係d噴血寫真...搵唔晒d寫真 不過發現周秀娜最多人買..我終於明白點解周穎詩咁中2佢 之後行行下俾人拉左去報補習...係書展都要報補習..超古怪..估唔到書展咁有學術氣氛 本身睇完第三層係想番落去一樓..點知無意中混入左工作人員通道 試圖扮工作人員入番去...但係失敗左...最後搭左得工作人員可以搭ge lift 走人... 咁就俾我地見到 少爺占同donald...好彩冇叫佢地合照...唔係d人就會發現我地唔係工作人員 之後去左金紫荊拍照留念..途中見到周秀娜雪糕車..我地忍受住途人ge側目..誓要拍到一張完美ge人車合照...真係勞煩左唔少路人 我覺得我今日好似獻左俾周秀娜...如果我溫唔切書我實賴落佢到 行到腳都痛..都係d自閉生活岩我d... 仲有我真愈來愈欣賞周穎詩無窮ge話題...雖然係人地眼中係廢話..但係好過我連廢話都諗唔到 而且我答d野都好廢下..我諗局外人聽完我地成日ge對話實唔想同我地做朋友... 不過咁傾都幾舒服..應該建議d人試下 同時我亦發覺我記性奇差..我今朝想講但係又唔記得名o個個係鄧麗君 仲有我懷疑我今日同周穎詩講ge野有部分曾經講過(不過既然你想聽多次,我唔會唔俾你聽ge) 我尋日仲記得有好多野要同你講..不過我至今都仲未記起係咩..下次要記低 我應該打晒要打ge野... | 